黑色誘惑

吾知係咪我個人開始老化，對顏色既喜愛開始轉變
以前我比較喜歡高調，d衫要大紅大紫，愈艷愈喜愛
不過近尼六七年，中年發福，無服當年勇
心理同生理都handle 吾到咁艷既顏色咯~~~

吾知係咪咁，我連玩具都要求低調左~~~~
喜歡d 比較淨色和深沉d 既顏色，如.......黑色
吾知係咪個人成熟左或hi-end左呢?~~~ 哈哈
由其覺得女人都係著黑bra黑under係正d既~~ @_@

最近，心情又比較差
為令自己開心多些，我近尼兩三星期比較放肆
一見到喜歡既玩意就想買~~~~wooo~~~~
自從供樓開始，已經好耐無買玩具喇，個個月都"蚊蚊緊"~~~:(
加上，上次地獄式咁儲黃金聖鬥士，之後再無咩玩意令我起得起勁
但係，近排，我見到兩隻令我一見傾心，不得不擁有佢既兩隻figure

第一隻係，我諗吾過30歲都吾識既~~~~~
登登登~~~~~~電腦黑魔















實有人問: 嘩，咩尼架，我過30都未聽過喎
咁電腦奇俠聽過掛，電腦黑魔正正就係佢既敵人
但由細到大，都係鐘意電腦黑魔多過電腦奇俠
點解?
電腦奇俠成日懶型咁玩拳腳功夫
電腦黑魔玩鎗架，一鎗做低你啦，拳腳功夫喎~~~~~
佢吾係主角，一早死左九年啦~~~~~~~















第二隻係，人人都無可能吾識既~~~~
登登登~~~~~~豬豬俠，吾係，係蜘蛛俠
由細到大我都係叫佢豬豬俠~~~~ :P
不過，尼隻係蜘蛛俠3 奸果隻，即係全黑果隻














"如果紅藍色果隻figure d 色吾係咁核突，都可以接受既~~~"
以前睇蜘蛛俠，我真係麻麻
問親人點解蜘蛛俠係紅藍色，無人識答我
乜有紅藍色既蜘蛛架咩? 吾係真係套戲咁講
因為主角當時得兩枝紅藍色既箱頭筆呀?~~~
但係，當我第一次見到蜘蛛俠3
黑蜘蛛坐係鐘樓淋緊雨果張poster
我真係覺得好震憾~~~我鐘意~~~~~
我當時明知第三集吾好睇，我都一定要入場睇果隻~~~~~

雖然，大家睇完覺得:
車，兩隻figure洗幾錢呀?
係吾算貴，但對我尼d死窮鬼真係好奢侈架喇
我諗左好耐先捨得買咋~~~~~
尼個月唯有食少d慳d啦~~~~~~